Левандоўскі, Месі, Анчалоці і яшчэ 27 гульцоў і трэнераў, хто адмовіўся ехаць у Саудаўскую Аравію
Калі зааблочныя грошы – не самае галоўнае.
Саудаўская Аравія – галоўная краіна трансфернага рынку гэтым летам. Зрэшты, нават з бязмежнымі грашыма, якія могуць пераламіць прынцыпы, не ўсе згаджаюцца на прапановы тамашніх клубаў.
Канешне, гэта не значыць, што ўсе, хто адмовіўся, не перадумаюць – Джэрард таксама публічна казаў, што не ўзначаліць «Аль-Ітыфак».
Сабралі ў адным месцы тых, пра чыю выразную адмову стала публічна вядома. Раптам каго забыліся – дайце ведаць у каментарах.
Гульцы
Эдэн Азар (вольны агент)
Патэнцыйны клуб: невядома
Прапанаваная зарплата: 50-70 млн еўра ў год
Чаму не пайшоў: схіляецца да завяршэння кар'еры, бо матывацыя гуляць ужо не такая, як раней.
Ціяга Алькантара («Ліверпуль»)
Патэнцыйны клуб: невядома
Прапанаваны заробак: невядома
Чаму не пайшоў: хоча застацца ў «Ліверпулі» да канца кантракту
Леанарда Банучы («Ювентус»)
Патэнцыйны клуб: невядома, гаворка ідзе пра «дзве прапановы»
Прапанаваны заробак: невядома
Чаму не пайшоў: плануе дапрацаваць кантракт з «Ювентусам», што разлічаны да канца наступнага сезона, згуляць на Еўра-2024 і завяршыць прафесійную кар'еру.
Нікола Дзаніела («Галатасарай»)
Патэнцыйны клуб: «Аль-Хілаль»
Прапанаваная зарплата: 30 млн еўра за сезон на працягу 4 гадоў
Чаму не пайшоў: вырашыў застацца ў «Галатасараі»
Паўла Дыбала («Рома»)
Патэнцыйны клуб: «Аль-Хілаль»
Прапанаваны заробак: невядома, гаворка ідзе пра «значнае падвышэнне»
Чаму не пайшоў: хоча застацца ў «Роме»
Уілфрыд Заа («Галатасарай»)
Патэнцыйны клуб: «Аль-Наср»
Прапанаваная зарплата: 60 млн еўра за 3 гады
Чаму не пайшоў: прапанова не пераканала, таму абраў «Галатасарай»
Хакім Зіеш («Чэлсі»)
Патэнцыйны клуб: «Аль-Наср»
Прапанаваная зарплата: 15 млн еўра за сезон у выпадку адсутнасці траўмаў, інакш – на 40% менш
Чаму не пайшоў: спачатку праваліў медагляд, а потым адмовіўся ад пагоршаных умоў
Маўра Ікардзі («Галатасарай»)
Патэнцыйны клуб: невядома
Прапанаваны заробак: невядома
Чаму не пайшоў: прапановы былі нецікавыя, і ён іх не збіраўся прымаць.
Тоні Кроас («Рэал»)
Патэнцыйны клуб: невядома
Прапанаваны заробак: невядома
Чаму не пайшоў: ізноў абраў «Рэал»
Роберт Левандоўскі («Барселона»)
Патэнцыйны клуб: невядома
Прапанаваная зарплата: больш за 150 млн еўра за год
Чаму не пайшоў: не захацеў нават слухаць і пачынаць перамовы, таму што хоча застацца ў «Барселоне»
Рамелу Лукаку («Чэлсі»)
Патэнцыйны клуб: «Аль-Хілаль»
Прапанаваная зарплата: 30 млн еўра за сезон на працягу 2 гадоў
Чаму не пайшоў: хацеў перайсці ў «Ювентус».
Уго Льярыс («Тотэнхэм»)
Патэнцыйны клуб: «Аль-Хілаль»
Прапанаваны заробак: невядома
Чаму не пайшоў: не задаволены заробкам
Лаўтара Марцінес (Інтэр)
Патэнцыйны клуб: «Аль-Хілаль»
Прапанаваная зарплата: 48 млн еўра за сезон на працягу 5 гадоў
Чаму не пайшоў: вырашыў застацца ў Італіі
Кіліян Мбапэ («ПСЖ»)
Патэнцыйны клуб: «Аль-Хілаль»
Прапанаваны заробак: 200 млн еўра ў год + права пакінуць каманду свабодным агентам наступным летам
Чаму не пайшоў: мяркуючы па інсайдах, хоча застацца ў «ПСЖ» да 2024-га, а пасля перабрацца ў «Рэал»
Ліянель Месі («Інтэр» Маямі)
Патэнцыйны клуб: «Аль-Хілаль»
Прапанаваная зарплата: 500 млн еўра ў год
Чаму не пайшоў: «Калі б пытанне было ў грошах, я паехаў бы ў Аравію ці яшчэ кудысьці, дзе мне прапаноўвалі вялікія грошы», – прамая цытата Месі пасля пераходу ў «Інтэр» Маямі.
Лука Модрыч («Рэал»)
Патэнцыйны клуб: «Аль-Хілаль»
Прапанаваная зарплата: 200 млн еўра за 3 гады
Чаму не пайшоў: вырашыў застацца ў «Рэале»
Альвара Марата («Атлетыка»)
Патэнцыйны клуб: невядома
Прапанаваная зарплата: 40 млн еўра за сезон на працягу 3 гадоў
Чаму не пайшоў: шчаслівы ў Мадрыдзе, яго сям'я таксама хоча застацца ў іспанскай сталіцы
П'ер-Эмерык Абамеянг («Марсель»)
Патэнцыйны клуб: «Аль-Ахлі», «Аль-Шабаб», «Аль-Ітыфак»
Прапанаваны заробак: невядома
Чаму не пайшоў: хацеў застацца ў Еўропе, таму стаў гульцом «Марселя»
Ларэнца Пелегрыні («Рома»)
Патэнцыйны клуб: невядома
Прапанаваны заробак: невядома
Чаму не пайшоў: хоча застацца ў «Роме» і добра правесці сезон, каб атрымаць месца ў заяўцы зборнай Італіі на Еўра-2024
Эрык Рамірэс («Дынама» Кіеў)
Патэнцыйны клуб: невядома
Прапанаваны заробак: невядома
Чаму не пайшоў: па словах агента, вырашыў «засяродзіцца на «Атлетыка Насьёнале» з Калумбіі.
Сон Хын Мін («Тотэнхэм»)
Патэнцыйны клуб: «Аль-Іціхад»
Прапанаваная зарплата: 30 млн еўра за сезон на працягу 4 гадоў
Чаму не пайшоў: «У мяне яшчэ шмат спраў у АПЛ. Цяпер грошы не маюць для мяне значэння», – прамая цытата.
Мехдзі Тарэмі («Порту»)
Патэнцыйны клуб: «Аль-Хілаль»
Прапанаваны заробак: невядома
Чаму не пайшоў: хоча застацца ў Еўропе
Бруну Фернандэш («МЮ»)
Патэнцыйны клуб: не названы, адзначалася пра «некалькі прапановаў»
Прапанаваны заробак: невядома
Чаму не пайшоў: вырашыў застацца, стаў пастаянным капітанам «МЮ»
Трэнеры
Масіміліяна Алегры («Ювентус»)
Патэнцыйны клуб: «Аль-Хілаль»
Прапанаваная зарплата: 20 млн еўра за сезон на працягу 3 гадоў
Чаму не пайшоў: адхіліў прапанову, клуб у рэшце рэшт узначаліў Жоржэ Жэзуш
Карла Анчалоці («Рэал»)
Патэнцыйны клуб: невядома
Прапанаваны заробак: невядома, гаворка ідзе пра «шматмільённую дамову»
Чаму не пайшоў: катэгарычна адхіліў прапанову, наступным летам павінен стаць трэнерам зборнай Бразіліі
Зінедзін Зідан (вольны агент)
Патэнцыйны клуб: «Аль-Наср»
Прапанаваная зарплата: 75 мільёнаў еўра за сезон на працягу 2 гадоў
Чаму не пайшоў: хоча працаваць у камандзе адной з топ-5 ліг
Жазэ Маўрынью («Рома»)
Патэнцыйны клуб: «Аль-Хілаль»
Прапанаваная зарплата: 30 млн эўра ў год
Чаму не пайшоў: хоча працягнуць працу ў «Роме»
Фернанду Сантуш (зборная Польшчы)
Патэнцыйны клуб: «Аль-Шабаб»
Прапанаваны заробак: невядома
Чаму не пайшоў: «У мяне дзейны кантракт са зборнай Польшчы, па гэтым пытанні нічога не змянілася. Разлічваю на вашую падтрымку ў барацьбе за выхад на Еўра», – прамая цытата Сантуша.
Марку Сілва («Фулхэм»)
Патэнцыйны клуб: «Аль-Ахлі»
Прапанаваная зарплата: 40 млн эўра ў год
Чаму не пайшоў: вырашыў застацца ў «Фулхэме»
Лучана Спаллеці (вольны агент)
Патэнцыйны клуб: «Аль-Ахлі»
Прапанаваны заробак: невядома
Чаму не пайшоў: цяпер адпачывае, чакае запрашэнне ад «Ювентуса» наступным летам
