У «Сталі» Шкурына новая распранальня. Цяпер там вялікія здымкі ўсіх гульцоў
Камфорт і стыль узроўню топ-чэмпіянатаў
Пакуль «Сталь» была на зборы ў Іспаніі, на стадыёне ў Мельцы абнавілі распранальню. Пачаліся працы ў сэрцы спартыўнага аб'екта адразу пасля апошняга ў 2023 годзе тура Экстраклясы. Каб паспець да вяртання каманды і хатняга матча, які запланаваны на 9 лютага.
Мадэрнізаванае памяшканне выглядае вельмі прэзентабельна. Дарэчы, у клубе клапоцяцца аб экалогіі. Таму ўсталявалі кран з сістэмай фільтрацыі вады. Дзякуючы гэтаму паменшыцца спажыванне вады ў пластыкавых бутэльках. А вось што радуе вока, дык гэта вялікія здымкі ўсіх футбалістаў «Сталі». Пераблытаць шафкі цяпер нерэальна. Вось новае працоўнае месца беларуса Іллі Шкурына.
Спадзяемся, камфорт і стыль узроўню топ-чэмпіянатаў, станоўча адаб'ецца на выніках. І клуб з Мельца паднімецца як мінімум ў верхнюю частку табліцы.