Абаронца DMedia зрабіў падкат, на які страшна глядзець. Магчыма вы бачылі такі прыём у рэслінгу
Той выпадак, калі прамая чырвоная не абмяркоўваецца.
Некалькі дзён таму «мінспортаўскі» DMedia гуляў супраць UniXlabs, які трэніруе Сяргей Паўлюковіч. Таварыская гульня скончылася з лікам 3:3. І гэтую нічыю смела можна назваць баявой. Бо як мінімум адзін прыём з баявых мастацтваў там быў. Абаронца DMedia Аляксей Шчыпаў уляцеў у суперніка з такой жорсткасцю, якой не пажадаеш нават ворагу.
Суддзя справядліва паказаў Шчыпаву прамую чырвоную картку. Гэта вельмі дзіўна, але Аляксей трэніруе дзяцей. Цікава, ці вучыць ён іх гуляць у такім стылі. Зрэшты, знайшоўся і той, хто падтрымаў дзеянні абаронцы – былы гулец «Астраўца» і «Слоніма» Георгій Чытанава.
Напрыканцы хацелася б пажадаць здароўя пацярпеламу ад падкату Шчыпава футбаліста. Спадзяемся, што абышлося без сур'ёзнай траўмы.