Падпісант за рэжым Літвіновіч патрапіў на этап адбору да АГ-2024 у Германію па візе ад Іспаніі (DW)
Па даных Deutsche Welle, Германія не выдавала візу чэмпіёну папярэдніх АГ у Токіа беларускаму батутысту Івану Літвіновічу, таму што не хацела дапускаць да этапу Кубка свету, які быў адборачным да АГ.
Крыніца сцвярджае, што візу беларусу выдала Іспанія.
У такім жа становішчы і расійская спартсменка Яна Лебедзева.
«Паводле нашай інфармацыі, у спартсменаў ёсць шэнгенскія візы, выдадзеныя іншымі дзяржавамі-сябрамі. Гэта дае вам права заязджаць і знаходзіцца на ўсёй тэрыторыі Шэнгенскай зоны», – пракаментаваў сітуацыю прадстаўнік МУС Германіі.
Адзначым, што Літвіновіч – падпісант за рэжым.
Нагадаем, МАК лічыць магчымым удзел у АГ спартсменаў з Беларусі і Расіі толькі ў статусе індывідуальных нейтральных атлетаў (AIN) пры выкананні шэрагу патрабаванняў, сярод якіх адсутнасць «актыўнай падтрымкі» вайны ва Украіне, а таксама кантракта з ваеннымі або сілавымі ведамствамі Беларусі або Расіі. Магчымасць допуску AIN да Гульняў будзе вызначаць спецыяльна створаная МАК камісія AINERP.
