Віталь Шчэрба: «Я падаў у суд, і той прымусіў Гуцу папрасіць прабачэння і ўзяць свае словы пра сэксуальны гвалт назад»

Беларускі гімнаст і шасціразовы алімпійскі чэмпіён (1992) Віталь Шчэрба пракаментаваў абвінавачанні ў сексуальным гвалце ад Таццяны Гуцы, учыненым яшчэ ў часы зборнай Саюза.

Нагадаем, што Гуцу стала абсалютнай чэмпіёнкай Барселоны-92.

– Пасля яе заявы ў фэйсбуку ў 2017 годзе я і пачаў піць тыя таблеткі. Потым кінуў, адчуваў сябе нармальна, але неяк памераў ціск – высокі. На наступны дзень – такая ж карціна. Звярнуўся да лекара. «Віталь, я ж сказаў, што цяпер гэтыя таблеткі табе трэба будзе піць усё жыццё». Так што яны заўжды са мной.

Што ж тычыцца той гісторыі, то я падаў у суд, і той прымусіў яе папрасіць прабачэння і ўзяць свае словы назад. Думаю, што яна ніколі ўжо не скажа на мой адрас нічога падобнага.

Мне цяжка сказаць, што ёй тады кіравала. Усе ведаюць, што ў Тані было шмат шкодных звычак, і, думаю, пад іх уздзеяннем яна і напісала гэты пост. Тады ў свеце быў вельмі папулярны рух «#MeToo», калі жанчыны абвінавачвалі мужчын у дамаганнях рознай ступені даўнасці. Раніцай яна прачнулася і сама, напэўна, ачмурэла ад таго, што напісала.

Я потым бачыў яе інтэрв'ю ўкраінскаму тэлебачанню, у якім Гуцу сказала, што шкадуе аб тым, што зрабіла, моцна збянтэжыўшы вядучых праграмы такім нечаканым паваротам. І ўсё, цікавасць да яе на гэтым і скончылася, – сказаў Шчэрба.