Беларус выйграў у анлайн-турніры па покеры больш за паўмільёна долараў

Беларус заняў трэцяе месца ў анлайн-турніры па покеры $10 300 GGMillion$ High Rollers, які завяршыўся 25 ліпеня.

Колькасць удзельнікаў у турніры склала 619 чалавек, кожны з іх унёс унёсак у памеры 10 тысяч долараў. Агульны прызавы фонд склаў 6 190 000 долараў.

Беларус выступаў пад нікам focus_nik і меў добрыя шансы на перамогу. У пачатку фінальнага стала беларус займаў лідзіруючую пазіцыю па фішках, а да сярэдзіны гульні яго найбліжэйшы сапернік адставаў больш як у 2 разы.

Аднак паступова focus_nik страціў сваю перавагу. У канчатковым выніку, адзін з супернікаў выбіў яго з турніру, прадставіўшы флэш супраць пары каралёў.

Тым не менш нават трэцяе месца прынесла беларусу прыз у памеры 563 017 долараў. Першае месца заняў гулец Army034 з Расіі (943 582 долара), а другое месца дасталася youngymoney23 з Лівана (728 706 долараў).