Мілеўскі ў добрым стане наведаў кіеўскi оперны – вось што цяпер там даюць
Лячэнне вiдавочна дапамагло.
15 верасня на старонцы экс-футбаліста брэсцкага «Дынама» Арцёма Мілеўскага было апублікавана відэа, на якім ён знаходзіўся ў вiдавочна вельмi дрэнным стане, пасля чаго падпiсчыкi ўзнялi трывогу.
Сябры Арцёма тады заявiлi, што хацелі яму дапамагчы, аднак сутыкнуліся з нежаданнем самога Мілеўскага.
Па выніку Арцём пагадзіўся прайсці курс рэабілітацыі па праблемах з алкаголем. Па словах «кента» Мілеўскага Аляксандра Аліева і інфармацыі ўкраінскага журналіста Канстанціна Андрыюка, значную частку лячэння аплаціў прэзідэнт кіеўскага «Дынама» Ігар Суркіс.
А 4 снежня Мілеўскі апублікаваў першыя фота пасля рэхабу. Здымкі былі зроблены 3 снежня ў нацыянальным акадэмiчным тэатры оперы i балета Украіны ў Кiеве. Мiлеўскi напiсаў, што прыйшоў «паглядзець на пакаленне некст».
Нягледзячы на вайну, якую з 24 лютага 2022 года працягвае Расія супраць Украіны з выкарыстаннем тэрыторыі Беларусі, оперны тэатр працягвае працу. У нядзелю гледачы, уключаючы Мілеўскага, маглі паглядзець два балеты – «Мадам Бавары» і «Шырока заплюшчаныя вочы».
Калi Мiлеўскi вырашыць паглыбiцца ў тэатральнае жыццё, у яго вельмi неблагi выбар. На снежань у тэатры таксама запланаваны балеты:
«Дон Кіхот»
«Сільфіда»
«Жызэль»
«Снежная каралева»
А таксама оперныя спектаклі:
«Флорыя Тоска»
«Наталка Палтаўка»
«Травіята»
«Севільскі цырульнік»
Кошт на бiлеты залежыць ад месца – ад 400 грыўняў (прыкладна 11 долараў) да 2 тысяч (каля 55 долараў). Думаецца, для Мiлеўскага не праблема ўзяць найлепшыя месцы. Але яму паспяшацца – на некаторыя прадстаўленні білетаў ужо не засталося, а на астатнiя іх няшмат.