Трэнер-беларус дэбютаваў з перамогі ў міні-футболе Францыі. Спачатку ўсё было шыкоўна (6:0!), але ў канцоўцы давялося хвалявацца
Пачатак Сяргея Падалінскага.
Сяргей Падалінскі быў сапраўдным топ-гульцом у беларускім міні-футболе: 11 гадоў выступаў за нацыянальную зборную, браў чэмпіянаты і Кубкі краіны. А кар'еру завяршыў у французскім «Тулоне» у гэтым сезоне.
Але без працы беларус не застаўся. Яшчэ ў лістападзе 2022 года ён пачаў працаваць трэнерам юніёрскай каманды «Тулона» U-15. А ў чэрвені 2023-га пайшоў на павышэнне і стаў галоўным трэнерам асноўнай мужчынскай каманды.
У першым жа афіцыйным матчы ў новай ролі беларус сутыкнуўся з дэбютантам чэмпіянату Францыі – камандай «Гол Футзал». Першы тайм доўгі час ішоў пры нулях на табло. Але за тры з паловай хвіліны да перапынку падапечныя Падалінскага выйшлі наперад. Пасля было яшчэ пяць галоў у вароты навічка чэмпіянату. Моманты – на любы густ: ад моцных стрэлаў здалёк да праходаў аднаго праз усю пляцоўку.
ВІДЭА (0:1)
ВІДЭА (0:2)
ВІДЭА (0:3)
ВІДЭА (0:4)
ВІДЭА (0:5)
ВІДЭА (0:6)
Усё ішло да сухоха разгрому, але «Гол Футзал» актывізаваўся ў апошнія 10 хвілін. Каманда забіла тры мячы ўсяго за тры хвіліны.
ВІДЭА (1:6)
ВІДЭА (2:6)
ВІДЭА (3:6)
Такі паспяховы адрэзак натхніў супернікаў «Тулона». Яны працягнулі ціснуць, выпускалі дадатковага палявога замест брамніка. Але каманда беларускага трэнера трымалася ў абароне і стварала небяспеку ў адказ.
Вынік – 3:6. Перамога у дэбютным матчы Сяргея Падалінскага ў якасці галоўнага трэнера.
І вось так эмацыйна «Тулон» святкаваў у распранальні поспех у першым туры чэмпіянату Францыі.