У Смаргоні футбольнае поле ператварылася ў каток. Чысцілі з дапамогай спецтэхнікі, і, падобна, знішчылі газон
Выглядала не вельмі бяспечна.
У матчы 29-га тура чэмпіянату Беларусі «Смаргонь» дома абгуляла брэстскае «Дынама» – 3:1.
Праўда, камандам, якія выйшлі на поле, даводзілася думаць не толькі аб гульнявых аспектах, але і аб тым, як бы не атрымаць выпадковую траўму з-за стану газона.
Уначы ў Смаргоні прайшлі замаразкі са снегам, і яшчэ раніцай поле было пакрытае снежнай скарынкай і лёдам. Арцём Літвякоў паказаў, наколькі слізкім быў газон зранку.
Адміністрацыі прыйшлося звярнуцца па дапамогу да дарожнай спецтэхнікі, якая рассыпала на поле традыцыйную сумесь пяску і солі.
У каментарах некаторыя карыстальнікі іранізавалі, што можна і на каньках гуляць.
Прыцягненне спецтэхнікі, дапамагло справіцца з ледзяной скарынкай, але фактычна забіла газон. Цяжкая машына пакінула свае сляды па ўсёй пляцоўцы.
Такі стан поля не мог не адбіццана якасці гульні. На 35-й хвіліне галкіпер «Смаргоні» падслізнуўся і дазволіў Гардзяйчуку вывесці гасцей наперад.
Сяргей Кісляк таксама меў праблемы.
У перапынку мясцовыя супрацоўнікі спрабавалі хоць неяк уратаваць сітуацыю, але што тут ужо ратаваць.
Для «Смаргоні» гэтая гульня стала заключнай у гэтым сезоне – «мядзведзі» не паднімуцца вышэй за 11 месца. Брэсцкае «Дынама» 2 снежня чакае хатняя сустрэча з «Белшынай».