Хакеістка Керноз: «Іншым украінкам, якія гулялі ў ЧБ, пасля пачатку вайны пісалі: «А ты ўпэўнена, што ўсё сапраўды так?»
Украінская хакеістка Яўгенія Керноз, якая выступала за «Мінск», распавяла ў інтэрв'ю «Трыбуне» пра тое, якая рэакцыя ў сацыяльных сетках была на пасады ўкраінскіх гульцоў, якія выступалі ў Беларусі, пра вайну ва Украіне.
– Калі размяшчалі пасты ў фэйсбуку, не баяліся, што да вас могуць прыйсці?
– Баялася, тым не менш лічыла, што маю права выказваць сваю пазіцыю. Плюс з кіраўніцтва клуба мне ніхто нічога не казаў, хаця бачылі, што я пашчу ў сацсетках.
– У тыя дні глядзелі беларускае тэлебачанне?
– Не. Ды мы і тэлевізар не глядзелі практычна ніколі, ён у нас быў толькі для гульняў, калі прыходзілі сябры, ці каб паглядзець нейкія фільмы.
– Але вы ведаеце, як беларуская прапаганда падавала падзеі ва Украіне?
– Не памятаю, таму што ўсё было ў такім тумане… Але ведаю, што на некаторых гэтая прапаганда вельмі моцна дзейнічала. Мне, напрыклад, ніхто нічога не пісаў, а вось іншым украінкам, якія гулялі ў чэмпіянаце Беларусі, у Instagram прыходзілі паведамленні кшталту: «Што ты выстаўляеш?», «А ты ўпэўнена, што ўсё сапраўды так?» Самы дзіўны пытанні быў: «Адкуль ты ведаеш?» Але, прабачце, калі ў цябе там куча сваякоў, сяброў, калі яны бачаць вайну на свае вочы, як можна не ведаць, што там адбываецца?
– Чаму, па-вашаму, некаторыя вераць прапагандзе?
– Ды таму што занадта шмат глядзяць тэлевізар, дзе ўсё гэтае трызненне і кажуць. Дзякуй богу з майго атачэння ніхто не верыў прапагандзе, людзі майго пакалення падтрымліваюць Украіну, – распавяла Керноз.
