«Ліверпуль» адмовіўся ад барацьбы за Белінгема

Паўабаронца «Барусіі» Дортмунд Джуд Белінгем больш не з'яўляецца трансфернай мэтай для «Ліверпуля», паведамляюць The Times і The Guardian.

Мерсісайдцы вырашылі адмовіцца ад трансферу, таму што «Барусія» просіць каля 135 млн фунтаў плюс бонусы, калі «Ліверпуль» хоча зрабіць перабудову каманды і не марнаваць такую суму толькі на аднаго гульца.

Галоўны трэнер Юрген Клоп папрасіў кіраўніцтва клуба пераключыцца на іншыя трансферы, каб не было паўтарэння сітуацыі з Арэльенам Чуамені, які мінулым летам таксама быў мэтай «Ліверпуля», але барацьбу за яго выйграў «Рэал». Калі англійскі клуб зараз зробіць акцэнт на Белінгеме, ёсць верагоднасць, што альтэрнатыўныя кандыдаты пяройдуць у іншыя клубы.

Замест Белінгема «Ліверпуль» разглядае варыянты з падпісаннем Мэйсана Маўнта з «Чэлсі», Майсеса Кайседа з «Брайтана», Матэвуша Нунеша з «Вулверхэмптана» і Раяна Гравенберха з «Баварыі».

Прэтэндэнтамі на Белінгема застаюцца «Рэал», «Манчэстэр Сіці», «ПСЖ» і «Чэлсі». Статыстыка 19-гадовага футбаліста тут.