Андрэй Багдановіч: «У жаночага веславання свая спецыфіка: на першай трэніроўцы ўсё нармальна, на другой ужо нешта ім не падабаецца»
Экс-весляры Аляксандр Багдановіч (цяпер кіраўнік Федэрацыі хакея Беларусі) і Андрэй Багдановіч (працуе трэнерам зборнай Беларусі па веславанні) распавялі пра сваю цяперашнюю працу.
– Андрэй, а ты часта ходзіш на хакей?
– Часам бываю, але рэдка. На «Дынама».
– Саша, калі апошні раз быў на веславанні?
– На Кубку Беларусі гэтым летам. Сачу за ўсімі спаборніцтвамі, цікавасць не страціў.
– Калі табе прапанавалі ўзначаліць Федэрацыю хакея Беларусі, якія пачуцці адчуў?
– Я адказны чалавек, таму спачатку падумаў: а што, калі не атрымаецца, падвяду людзей?
– Андрэй, а табе як працаваць з дзяўчатамі?
– У жаночага веславання свая спецыфіка. Трэба да кожнай спартоўкі знайсці падыход. Уявіце: прыходзяць дзяўчынкі на першую трэніроўку – усё нармальна, на другую – ужо нешта ім не падабаецца. Тут трэба быць яшчэ і псіхолагам.
– Як наогул справы ў жаночай каманды канаістак?
– З таго пакалення, што лічыцца старэйшым, засталіся толькі Лена Наздрова і Оля Клімава. Клімава, хутчэй, экіпажніца, Наздрова – адзіночніца, яна была лідэрам на неалімпійскай дыстанцыі 500 метраў. Цяпер на 200 метраў маладая дзяўчынка падае надзеі, – сказаў Андрэй Багдановіч.