Аляксандр Багдановіч: «Думаю, кожнаму мужыку цікава папаляваць. Папрацаваў – чаго дома сядзець?»
Экс-весляры Аляксандр Багдановіч (цяпер кіраўнік Федэрацыі хакея Беларусі) і Андрэй Багдановіч (цяпер трэнер па веславанні) распавялі пра захапленне рыбалкай і як праходзіла іх дзяцінства.
– Ваш бацька ж паляўнічы-рыбалоў?
Андрэй: Калі была моцная патрэба, сур'ёзна займаўся.
Аляксандр: Думаю, кожнаму мужыку цікава папаляваць. Папрацаваў – чаго дома сядзець, калі ёсць магчымасць? У нас уся сямʼя працоўная. Бабуля з дзядулем гаспадарку трымалі: двух кароў, трох свіней.
– Вас загружалі хатняй працай? Касьбой, напрыклад?
Андрэй: Мяне да касьбы не дапускалі, а вось пяць сотак бульбы прапалоць… Умова такая: на рэчку можна пайсці, толькі калі ўсё будзе зроблена. Таму зранку запрагаўся – пад вечар ледзь жывы. Ніякай рэчкі не трэба.
Аляксандр: А ў мяне было ўсё. І касьба, і ўборка сена, і дровы. Аж да таго, што спачатку з дзедам пілавалі дрэва, потым везлі дадому.
Андрэй: Так, памятаю, узялі калысачку, у лес прыехалі, сасну «Дружбай» спілілі, раздрабілі на 1,5-метровыя цурачкі, потым клалі на «казла» ў двары, даводзілі да патрэбнага памеру. За дзень цэлы прычэп маглі насекчы.
– А зараз рыбачыце?
Андрэй: На зборах пасля трэніроўкі магу паўгадзіны пакатацца. Калі злаўлю, добра, не – таксама. Лаўлю на спінінг, за збор разоў 6-7 выбіраўся на рыбалку. Злавіў два судака па 1,5 кілаграма, тры шчупакі, адзін з іх – кілаграма на тры. Рыба не знікала: калі было жаданне, сам смажыў, не – аддаваў спартсменкам, яны займаліся.
– А Саша можа пахваліцца ўловам?
Андрэй: Саша ў Францыі самоў лавіў. Я спінінг з сабой узяў, а ён кажа: «Пайду пакідаю». Потым тэлефануе: «Дапамажы!» – выцягнуць не мог. На міжнародных зборах рыбалка – добры варыянт, каб расслабіцца, – сказаў Андрэй Багдановіч.