Былы трэнер зборнай Беларусі па барацьбе Маджыдаў: «Маладыя хлопцы не хочуць сядзець год-два без заробку. Людзі проста губляюцца»

Экс-старшыня беларускай федэрацыі і экс-галоўны трэнер зборнай Беларусі па барацьбе Камандар Маджыдаў падзяліўся меркаваннем пра падрастаючае пакаленне ў зборнай Беларусі:

– Сёння я паглядзеў, хлопцы яшчэ сыраватыя.

– У нас змена пакаленняў?

– Я думаю, гэта таксама ідзе, дзесьці мы губляем спартсменаў. Менавіта 23 гады, 22 гады. Разумееце, што атрымоўваецца? Проста перыяд, калі ад юніёраў пераход ідзе, у гэты перыяд трэба гэтых спартоўцаў паспрабаваць утрымаць. Добрае пытанне, як. Гэта не ўсіх, але больш перспектыўных. Можна будзе неяк праз заробак. Ён малады хлопец. Яму трэба жыццё з нечага рабіць. Ён не будзе сядзець год, два, каб «ні заробку няма, нічога няма» – трэніравацца ён не будзе. Чалавек проста губляецца.

Апошнія спаборніцтвы калі браць. Тыя ж гульні СНД былі. Вось, 97 кілаграмаў, хлопчык вельмі добры, Абубакар Хаслаханаў. Відаць, з характарам, з амбіцыямі. А гэта для вялікага спорту вельмі важна. Я думаю, ён далей даб'ецца шмат чаго. Глінчук яшчэ ёсць хлопец, таксама 97 кілаграмаў, такі вельмі магутны, – распавёў Маджыдаў.