Фота: fiawtcr.com
Перамог Мікел Ацкона толькі ў другой гонцы этапу на трасе Мотарлэнд Арагон, што ў іспанскім Альканісе, але і гэтага яму хапіла, каб замацаваць сваё лідарства ў Кубку свету па аўтагонках у класе Турынг. Супернікі яму не надта перашкаджалі, а часам нават дапамагалі.
Адзін чалавек у Расіі лічыў сябе вялікім геапалітыкам, і так перашкаджаў распаўсюджванню NATO на ўсход, што ў выніку дапамог Альянсу гэта зрабіць. Для таго, каб прадухіліць гэта, ён чатыры месяцы таму распачаў вайну супраць Украіны, і катуе яе ўвесь гэты час.
Сёння абстрэлы мірных украінскіх гарадоў працягнуліся, ад іх ізноў загінулі мірныя жыхары. Пачвара канчаткова з’ехала з глузду і мусіць быць спыненая. Заходнім дзяржавам варта перастаць разбірацца, наколькі дальнабойнай зброяй яны дапамагаюць Украіне. Яе проста неабходна ўратаваць, што ўратуе і ўвесь свет.
Доброго ранку 🇺🇦
— НГУ (@ng_ukraine) 1 июля 2022 г.
Починаємо ще один день, який наближає нас до перемоги.
Виїзд на бойове завдання артилеристів Нацгвардії України очима командира екіпажу виглядає саме так. Гвардійці насипають ворогу на Луганщині. pic.twitter.com/iuk99vDeb9
Адначасова гэта дасць імпульс для вызвалення Беларусі, якая сама апынулася ў вельмі цяжкім становішчы і пад акупацыяй. Свабодная і незалежная, яна стане гарантыяй бяспекі і для ўкраінцаў, з якімі беларусы застануцца сябрамі. Нашы суайчыннікі робяць шмат для іх абароны і набліжаюць нашу агульную перамогу. Слава Україні! Героям Слава! Верым! Можам! Пераможам! Жыве Беларусь!
Гонкі – справа мірная, зброя тут не патрэбная, толькі талент саміх гоншчыкаў. У Мікела Ацконы, які выступае за каманду BRC Hyundai N Squadra Corse, ён дакладна ёсць. І хай у кваліфікацыі ў суботу, калі іспанец і адсвяткаваў свой Дзень Нараджэння (яму споўнілася 26 гадоў), яму не надта пашанцавала, і ён паказаў толькі восьмы вынік, Мікел адыграўся ў нядзелю.
Збольшага гэта атрымалася і ў гоншчыка каманды Comtoyou Team Audi Sport Жыля Магнуса, які і заваяваў поўл у першай гонцы. Забягаючы наперад, бельгіец у ёй і перамог, чаму часткова паспрыяла памылка прадстаўніка сяброўскага калектыву Comtoyou DHL Team Audi Sport Натанаэля Бертона. Француз на старце адкаціўся з другой пазіцыі на чацвёртую, прапусціўшы наперад дзейснага чэмпіёна з каманды Cyan Racing Lynk & Co Яна Эрлашэ і ветэрана Роберта Хафа.
Пры гэтым брытанец, які выступае за калектыў Zengő Motorsport на SEAT Cupra Leon Competición TCR, стартаваў чацвёртым, але ў першых жа паваротах пакінуў ззаду і Эрлашэ, каб потым фінішаваць другім. Французу ж заставалася толькі адбівацца ад атак Бертона, адна з якіх на другім кругу прывяла да кантакту паміж Audi RS3 LMS Натанаэля і Lynk & Co 03 TCR Яна, у выніку чаго апошні адкаціўся на тры пазіцыі. Гэта дапамагло Бертону адыграць адну і фінішаваць трэцім, але пасля фінішу ён быў прызнаны вінаватым у інцыдэнце і атрымаў пяць штрафных секунд, што адкінула яго на чацвёртае месца.
Трэцім жа, такім чынам, стаў Ацкона, які самастойна адыграў у першай гонцы чатыры пазіцыі. А ў другім заездзе ў адпаведнасці з правіламі рэверсіўнай стартавай рашоткі для першай дзясяткі па выніках кваліфікацыі, іспанец стартаваў другім. Перамагчы ж яму ізноў дапамаглі супернікі, у тым ліку яго напарнік па камандзе Норберт Міхеліс.
Вугорац стартаваў другім, і ўжо на першым кругу распачаў бойку з уладальнікам поўлу з каманды Cyan Performance Lynk & Co Ма Цынем Хуа. Іх спаборніцтва выйшла кантактным, што і прывяло да аварыі Міхеліса, які пасля дотыку ад кітайца урэзаўся ў абмежавальнік з шын. А потым у яго Hyundai Elantra N TCR урэзаўся нідэрландскі ветэран з каманды Comtoyou DHL Team Audi Sport Том Каранэль, у выніку чаго абодва сышлі з дыстанцыі.
Aragón Anarchy 🤯 The moment of chaos in Race 2 taking out @Michelisz and @TomCoronel#FIAWTCR #RaceOfSpain #MotorlandAragon pic.twitter.com/1783PwSkCQ
— FIA WTCR (@FIA_WTCR) 26 июня 2022 г.
Барацьба Ма і Міхеліса разварочвалася акурат перад Ацконай, і яго пад шумок апярэдзіў напарнік Хафа па камандзе і суайчыннік Міхеліса Даніэль Надзь. Атакаваць яго Мікелу прыйшлося ўжо пасля перыяду аўтамабіля бяспекі. Толькі спачатку на рэстарце сам Надзь абагнаў Ма Цыня Хуа і выйшаў у лідары. Хутка яго пакінуў ззаду і Ацкона, а Ма адразу патрапіў пад прэсінг з боку Хафа.
Другім і чацвёртым іспанец і брытанец былі нядоўга – Мікел аператыўна справіўся з Надзем, а Роберт з Ма. Прычым Хафа яго напарнік не стрымліваў, прапусціўшы яго на другую пазіцыю. Ма адначасова абмяняўся пазіцыямі са сваім партнёрам па камандзе Санцьяга Уруціяй, які пазней абагнаў Надзя і заняў трэцяе месца.
Хоць у другой гонцы ачкоў разыгрываецца меней, чым у першай, перамога ў ёй зрабіла Ацкону лідарам серыі – у яго 129 ачкоў. Магнус, у якога 95 балаў, падняўся на другую пазіцыю, але за ім сабралася вельмі шчыльная група. Уруція фармальна займае трэцюю пазіцыю, але разам з Хафам адстае ад Жыля на два ачкі, а Эрлашэ, які замыкае першую пяцёрку, на тры.
Камандны залік узначаліла BRC Hyundai N Squadra Corse у якой 185 ачкоў. Cyan Racing Lynk & Co са 155 баламі паднялася на другую пазіцыю, на пяць балаў, замыкаючы першую тройку, ад яе адстае All-Inkl.com Munnich Motorsport, чые пілоты ні ў адной з гонак не патрапілі нават у першую дзясятку.
Сезон серыі WTCR працягнецца ўжо ў гэтыя выхадныя на гарадской трасе ў партугальскім Віла Рэале. Дарэчы, на гэтым этапе ў сусветны Турынг вернецца так званая джокер-пятля – дадатковы ўчастак па-за трасай, па якому кожны ўдзельнік гонкі, па аналогіі з ралі-кросам, мусіць будзе праехацца адзін раз падчас заезду.
Комментарии