🔥 Уласнікі «Чэлсі» зноў on fire: Пачэціна сышоў, Мічэл і Дэ Дзербі – кандыдаты, Тухель (!) таксама хоча
Ужо шукаюць маладога трэнера!
Сумавалі па кантэнту з «Чэлсі»? Вас пачулі – клуб афіцыйна абвясціў пра спыненне супрацы з Маўрысіа Пачэціна.
Сабралі асноўную інфармацыю.
🔹 Трэнер і лонданцы разышліся «па дамове бакоў». Мэт Лоў з The Telegraph адзначыў, што не было ніякага канфлікту – бакі прыйшлі да кансенсусу і паціснулі рукі.
🔹 Пачэціна сышоў з каманды пасля топавай канцоўкі АПЛ – выратаваў, здавалася, правальны сезон, фінішаваўшы ў топ-6 і гарантаваўшы еўракубкі. Гульцы чакалі, што ён застанецца.
🔹 Патэнцыйныя прычыны – «філасофскі» складнік і «рэчы, звязаныя з дынамікай дзейнасці ў структуры клуба». А галоўнае – адсутнасць згоды ў трансфернай палітыцы.
🔹 Для «Чэлсі» гэта ўжо 5-ая змена трэнера за 20 месяцаў. Як і ў выпадку з Грэмам Потэрам, была рыторыка пра «доўгатэрміновы праект», але ўсё скончылася пасля 11 месяцаў працы аргенцінца.
🔹 Адзначаецца, што лонданцы цяпер будуць шукаць маладога трэнера. Асноўныя кандыдаты па версіі The Telegraph:
– Кіран Макена («Іпсвіч»);
– Энца Мареска («Лестэр»).
Варта дадаць, што Мічэл не валодае англійскай на прасунутым узроўні, Хёнес раней адмовіў «Баварыі» і мае намер застацца ў «Штутгарце», а Макена з Марескам толькі што вывелі свае каманды ў АПЛ.
🔹 Нямецкі журналіст Фларыян Плетэнберг дадае, што гэтага кроку з боку кіраўніцтва «Чэлсі» чакаў, увага, Томас Тухель! Ён не лічыць сваю місію ў Лондане завершанай, і ўжо нібыта вяліся размовы на гэты конт. Праўда, Бэн Джэйкабс і The Telegraph адмаўляюць верагоднасць вяртання немца.
Нагадаем, што Тухель быў звольнены на старце першага сезона пасля таго, як клуб быў набыты Тодам Боэлі.
🔹 Той жа Плетэнберг паказвае, што іншым кандыдатам з'яўляецца Раберта Дэ Дзербі, які пакінуў «Брайтан».
🔹 Крысціян Фальк называе яшчэ адным прэтэндэнтам Ханса Фліка – той нібыта зацікаўлены ў варыянце.
🔹 Іншыя опцыі ад інсайдара Джэйкаба Стэйнберга – Томас Франк і Венсан Кампані.
🔹 Жазэ Маўрынью і Антоніа Контэ не разглядаюцца. Уласна, праз жаданне бачыць адносна маладога спецыяліста.
🔹 Той жа The Telegraph інфармуе, што перад наступным трэнерам будзе стаяць канкрэтная задача – патрапіць у Лігу чэмпіёнаў. І клуб хоча, каб новы коўч рабіў стаўку на валоданне мячом і кантроль матча. Гаворка ідзе пра праект «а-ля Хабі Алонса ў «Баеры», сцвярджае Фабрыцыа Рамана.
🔹 Што тычыцца Пачэціна, то Evening Standard паведамляе, што ён папоўніў шорт-ліст «Манчэстэра Юнайтэд» замест Эрыка тэн Хага.
Фота: dpa picture alliance, PA Images, TalkSport
