Каралёк пра міжнародны бан: «Добра, мы з Расіяй дамовіліся пра сумесны календар. Канкурэнцыя ў Беларусі на трэку ёсць, але хочацца міжнароднага ўзроўню гонак»
Велагоншчык Яўген Каралёк падзяліўся меркаваннем аб міжнародным адхіленні беларускіх спартсменаў.
Нагадаем, што шматлiкія беларускія каманды і спартсмены былі адхіленыя ад міжнародных спаборніцтваў у адказ на вайну, якая з 24 лютага года працягваецца Расiяй ва Украіне з выкарыстаннем тэрыторыі Беларусі.
– Так, нас адхілілі, але, балазе, мы з Расіяй дамовіліся пра сумесны календар, і той [2022-гі] год у нас таксама быў насычаны, мы ганяліся – гэта самае галоўнае.
– А як цяпер з хлопцамі-замежнікамі, з кім перасякаўся раней і падтрымліваў добрыя адносіны, змянілася ў іх стаўленне?
– Усё гэтак жа засталося. Мы не абмяркоўвалі нават вось гэтыя ўсе тэмы. Як размаўлялі, так і маем зносіны.
Запрашаюць нас на чэмпіянат Азіі, там таксама высокая канкурэнцыя ў веласпорце.
– Табе ёсць з кім спаборнічаць у Беларусі на трэку?
– Канкурэнцыя ёсць, так, безумоўна, але хочацца, вядома, большага, хочацца іншых хуткасцяў, міжнароднага ўзроўню гонак хочацца, – сказаў Каралёк.
Нагадаем, што Каралёк з'яўляецца падпісантам праўладнага ліста спартоўцаў.