Галоўны рэдактар «Прэсбола» Лісічкін: «Ёсць верагоднасць, што застанецца цяперашняе кіраўніцтва АБФФ. Жалезных кандыдатаў няма»
Галоўны рэдактар газеты «Прессбол» Сяргей Лісічкін падзяліўся меркаваннем аб справаздачна-выбарнай канферэнцыі АБФФ. Яна пройдзе 22 сакавіка.
Адзначым, у газеце аўтарам тэксту пазначаны Сяргей Туманаў. Паводле інфармацыі «Трыбуны», такі псеўданім выкарыстоўвае Сяргей Лісічкін.
– Гадзіна ікс – 22 сакавіка. Ёсць імавернасць, што застанецца цяперашняе кіраўніцтва. Аднак значна больш паспяховыя федэрацыі, як той самы тэніс і хакей, старшынёў памянялі.
Хто прыйдзе на змену ў АБФФ? Жалезных кандыдатаў няма. Хаця вырашыцца гэта хутка, застаецца толькі пачакаць. Што будзе вельмі цікава і захапляльна – няма ніякіх сумневаў, – напісаў Лісічкін.
Цяпер АБФФ узначальвае Уладзімір Базанаў, яго намеснікам з’яўляецца Юрый Вяргейчык.
Раней «Трыбуна» паведамляла, што рэжымныя структуры, якія маюць фактычную ўладу над АБФФ, ужо прынялі рашэнне, што федэрацыяй будзе кіраваць іншы чалавек, аднак яго імя не называецца.
