Чым жывуць у сацсетках беларусы з драфта НХЛ-2023: фота і раман з дачкой легенды белхакея (ён жа падпісант за Лукашэнку), амаль усё ў адной групе для знаёмстваў
Знаёмімся бліжэй.
Драфт НХЛ-2023 стаў рэкордным для беларускага хакея. Клубы за акіянам выбралі адразу пяць хакеістаў з Беларусі, што стала рэкордам для нашай краіны.
Ва ўсёй пяцёрцы прыкладна аднолькавыя профілі ў Instagram: ад 1100 да 1500 падпісчыкаў і небагата фатаздымкаў – усяго 60 на ўсіх. Большасць – гэта моманты з матчаў ці трэніровак, але ёсць нешта цікавае і ў іншых сацсетках.
Напрыклад, усе акрамя Сцяпана Звягіна (бо ў яго прыватны профіль) падпісаныя на суполку ў VK для знаёмстваў:
А што яшчэ?
Данііл Карповіч – «Нью-Джэрсі»
Абаронца акрамя хакейнага дзеліцца з падпісчыкамі і асабістым жыццём. Хлопец сустракаецца са Стэфаніяй Шабанавай – дачкой легенды беларускага хакея і падпісанта праўладнага ліста Сяргея Шабанава. Яго старэйная дачка сустракаецца з Паўлам Дзянісавым, таксама адным з першых у рэжымных падпісантаў у белхакеі.
Здаецца, пара шмат часу праводзіць разам:
Ягор Сідараў – «Анахайм»
«Мара спраўдзілася! Я так рады быць часткай «Анахайма», што хацеў б падзякаваць сваёй сям’і і многіх іншым за тое, што дапамаглі мне дасягнуць гэтага! І гораду Нэшвілу за тое, што ён стаў месцам, дзе спраўдзіліся мае мары», – Ягор вельмі ўдзячны сваім бацькам не толькі пад час падпісанняў кантрактаў з новым клубам:
Хакеіст і раней дзякаваў бацькам за тое, што нарадзілі і выхавалі:
«Мама, тата, я абяцаю, што вы будзеце шчаслівыя, я зраблю для гэтага ўсё, што б хто ні казаў! Дзякуй, што верыце ў мяне ❤️»
Таксама Ягор любіць адпачываць на возеры:
А ў VK мае шмат дзічачых фатаздымкаў з хакейнай школы ды падарожжаў:
Вадзім Мароз – «Арызона»
На сваёй старонцы акрамя хакея Вадзім паказвае адпачынак з сябрамі.
Андрэй Лошка – «Сіэтл»
Лошка адпачываў гэтым летам у Нью-Йорку:
А свае хакейныя прыгоды каментуе вельмі сціпла.
Толькі падзяка клубу «Шыкуцімі» з QMJHL выйшла шматслоўнай: «Я хачу сказаць вялікі дзякуй арганізацыі за маё развіццё за апошнія два гады! Дзякуй маёй сям’і, трэнерскаму штабу, маім таварышам па камандзе, з якімі мы ўжо як браты! Дзякуй за ўвагу».
У VK Андрэй дзеліцца мемамі на хакейную тэматыку:
Сцяпан Звягін – «Фларыда»
У Instagram Сцяпан мае толькі хакейныя фатаздымкі. Напрыклад, падзяліўся папулярным чэленджам – дзесяць год таму.
Прадматчавы лук, які неіранічна каментуць гульцы «Дынама-Шыннік»:
Фатаздымкі: сацсеткі хакеістаў
