😳 Непагадзь у мінулыя выходныя закранула Нацыянальны футбольны стадыён – моцны вецер адрываў вялікія часткі канструкцыі
Відэа ад карыстальніка TikTok.
На мінулых выходных на тэрыторыі Беларусі панавала штармавое надвор'е. Па ўсёй краіне моцны вецер валіў дрэвы, святлафоры, прыпыначныя пункты і нават будаўнічы кран у «Мінск-Міры». У выніку непагадзі без святла засталіся 900 населенных пунктаў Беларусі – больш за ўсё пацярпелі Бабруйскі, Пухавіцкі, Баранавіцкі, Гомельскі і Мінскі раёны.
Не абыйшлося і без мемаў: упартасць мінчука ў барацьбе са шторам стала хітом сацыяльных сетак.
Дасталася і спартыўнай інфраструктуры. Так, карыстальнік TikTok Аляксандр у сваім акаўнце апублікаваў відэа з будаўнічай пляцоўкі Нацыянальнага футбольнага стадыёна па вуліцы Ванеева. На ім бачна, што непагадзь адрывае вялікія элементы канструкцыі.
Нагадаем, узвядзенне арэны распачалі ў 2019 годзе на сродкі і па праекце Кітая. Стадыён планавалі здаць у 2023 годзе, але цяпер тэрмін сканчэння будоўлі перанеслі на наступны год. Заяўленая ўмяшчальнасць стадыёна – 33 тысячы гледачоў.