Першая жанчына-трэнер у Бундэслізе – увайшла ў штаб новага трэнера «Уніяна». Ёй усяго 32
Знаёмімся з Мары-Луіз Эта.
Зараз у Германіі адбываецца рэвалюцыйная падзея – жанчына становіцца першай трэнерам-асістэнткай у Бундэслізе і Лізе чэмпіёнаў.
Гаворка ідзе пра Мары-Луіз Эта, якая побач з Марка Гротэ кіравала берлінскім «Уніянам» у матчы супраць «Аўгсбурга» у чэмпіянаце Германіі (1:1).
Эта – першая жанчына-трэнерка ў гісторыі Бундэслігі і ЛЧ. Яна застаецца ў штабе новага кіраўніка «Уніяна»
У апошнія гады берлінскі «Уніён» падарыў як уласным заўзятарам, так і ўсёй футбольнай супольнасці нямала прыгожых гісторый – ад першага ў гісторыі выхаду ў Бундэслігу да кваліфікацыі ў Лігу чэмпіёнаў.
Зрэшты, бягучы сезон для жалезных складаецца вельмі няўдала – каманда знаходзіцца ў зоне вылету чэмпіянату, займае апошняе месца ў групе ЛЧ, ужо вылецела з Кубка Германіі, а серыя матчаў без перамог доўжыцца ўжо тры месяцы (ажно 15 паядынкаў).
Усё прыйшло да таго, што Урс Фішэр, з якім звязваюць усе нядаўнія поспехі «Уніёна», пакінуў клуб – гэта адбылося ў сярэдзіне лістапада пасля 0:4 ад леверкузенскага «Баера». І пакуль берлінцы ўсё яшчэ былі ў пошуках новага спецыяліста, камандай у матчы супраць «Аўгсбурга» кіравалі трэнеры каманды U-19 – Марка Гротэ і Мары-Луіз Эта, якая стала першай жанчынай-асістэнткай трэнера ў гісторыі Бундэслігі.
Гэтая праводзіла перадматчавую размінку, стала размаўляла з Гротэ і актыўна падказвала футбалістам «Уніяна» з трэнерскай зоны. Цяпер Мары-Луіз – фігура, якую вельмі часта абмяркоўваюць у нямецкім футболе.
Упартым прыхільнікам нямецкага футбола Эта вядомая яшчэ з часоў яе футбольнай кар'еры. Разам з патсдамскай «Турбіне» яна выйгравала жаночую Лігу чэмпіёнаў, выступала за «Гамбург» і насіла капітанскую павязку ў брэменскім «Вердэры». Былыя калегі апісвалі яе як вельмі спакойнага чалавека і разумную футбалістку, якая ўвесь час прымала ўзважаныя рашэнні, гуляючы ў цэнтры поля.
Футбольную кар'еру Эта завяршыла ў 26 гадоў і адразу адправілася ў трэнерства – працавала з жаночымі юнацкімі зборнымі Германіі, а затым раўналежна працавала ў юнацкіх камандах «Вердэра» (мужчынскіх).
У мінулым годзе Мары-Луіз вывучылася на UEFA Pro трэнерскую ліцэнзію, а летам 2023-га атрымала запрашэнне з «Уніёна» – стала памочніцай трэнера каманды U-19. Цікава, што берлінцы пад кіраўніцтвам трэнерскага штаба ўжо вышэйзгаданага Марка Гротэ ідуць трэцімі ў сваёй зоне чэмпіянату Германіі, але ў юнацкай ЛЧ справы крыху горшыя – пакуль толькі адна перамога ў чатырох матчах.
Аднак самае галоўнае ў гэтай гісторыі – тое, што павышэнне Эта да асістэнткі першай каманды – зусім не аднаразовая акцыя.
Пасля прызначэння Ненада Бʼеліцы новым галоўным трэнерам каманды «Уніён» таксама абвясціў, што 32-гадовая Мары-Луіз застанецца ў штабе харвата – да таго часу, пакуль легендарны Себасцьян Бёніг (працаваў асістэнтам трэнера першай каманды апошнія 9 гадоў), які ўзяў невялікую паўзу ў карʼеры, не вернецца ў каманду.
Як яно – быць трэнерам у «цяжкім мужчынскім футболе»? Расказвае сама Мары-Луіз
Эта піша гісторыю ўжо не ўпершыню – Мары-Луіз была першай трэнерам юнацкіх каманд у Бундэслізе, калі працавала ў брэменскім «Вердэры», а таксама стала адной з першых у краіне, хто пачаў праводзіць анлайн-трэніроўку падчас пандэміі каранавіруса.
«Я не ганаруся тым, што стала першай жанчынай-трэнеркай. Я проста шчаслівая, што магу займацца гэтай працай. Зусім не бачу розніцы ў тым, хто працуе ў юнацкім футболе – мужчына ці жанчына. Самае важнае – якасць трэнера як на полі, так і за яго межамі, вось за што трэба ацэньваць спецыяліста.
Я заўважыла, што людзі сталі ставіцца да мяне крыху па-іншаму – і гэта не заўсёды камфортна. Я проста старалася не думаць пра гэта, не сканцэнтравацца на тым, што я жанчына. Да мяне сталі ставіцца больш сур'ёзна, калі я атрымала UEFA Pro ліцэнзію, бо гэта важнае адрозненне, якое каціруецца ў футбольным свеце», – распавядае Эта.
У яе выпадку таксама вельмі важная падтрымка прадстаўнікоў «Уніяна»: «Калі ты якасны спецыяліст, то важна толькі тое, што ты можаш даць камандзе. У Мары-Луіз больш чым дастаткова экспертызы – менавіта таму яна пачала тут працаваць. Каманда вельмі добра прыняла яе, таму што яна добры чалавек і кваліфікаваны трэнер», – кажа Марка Гротэ.
***
Былая партнёрка Эта па камандзе і экс-трэнер нямецкага футбольнага клуба «Шпартфрэйндэ Лотэ» Імцы Вюбенгорст упэўнена, што дасягненне Мары-Луіз можа стаць рэвалюцыйным: «Калі ты першая, хто зрабіў гэта, бывае нялёгка – медыя адсочваюць усё, што ты кажаш. Зрэшты, калі такіх будзе двое ці трое, гэта будзе значна лягчэй для іх пераемнікаў. Кіраўнікі клубаў павінны ўбачыць, як гэта працуе, і тады яны будуць гушчару выбіраць жанчын на такія пасады.
У Еўропе – Англіі, Германіі, Іспаніі – футбол – гэта мужчынская гульня. Але калі роля жанчыны ў грамадстве мяняецца, становіцца значна прасцей. Мэнэджмент клубаў бачыць, што жанчына таксама можа быць моцнай і паняцце «якасны трэнер» не залежыць ад полу».
Фота: Boris Streubel/REUTERS, UEFA, Andreas Gora/picture alliance/Global Look Press
