Кошт «Інтэра» Маямі можа дасягнуць 1 млрд долараў – Бэкхэм набыў франшызу ўсяго за 25 млн. Як так сталася?

Пераход Ліянэля Месі ў «Інтэр» Маямі – падзея знакавая. Клубы ў МЛС гэта разумелі – настолькі, што, здаецца, разам аплачваюць яму заробак дзеля росту ўласных даходаў.

Але, акрамя таго, Месі – падобна, яшчэ і ўдалы разлік Дэвіда Бэкхэма.

Бэкхэм набыў франшызу, якая стала «Інтэрам», за ±25 млн долараў. Ён сам зрабіў гэтую суму максімальна прывабнай

Бэкхэм у свой час прыходзіў на надзвычай прывабны фінансава кантракт, хоць і са значна меншым заробкам, чым атрымліваў у «Рэале». Адным з яго ўмоў (якая важная ў гэтай гісторыі) было тое, што па завяршэнні кар’еры англічанін будзе мець права набыць франшызу МЛС за 25 млн долараў (па іншых даных — 23 млн даляраў).

На той момант гэта здавалася супервыгаднай гісторыяй для лігі – бо ў тым жа 2007-м для «Таронта» далучэнне да МЛС каштавала ўсяго 10 млн долараў.

Зрэшты, сам Дэвід Бэкхэм сваім пераходам стаў адным з фактараў, якія падштурхнулі развіццё лігі – і на момант набыцця ў 2018-м франшызы (удалося з 4-й спробы праз праблемы з інфраструктурай у Маямі) 25 млн долараў былі проста смешнай сумай. «Інтэр» дэбютаваў у лізе ў 2020-м разам з «Нэшвілам», які за ўваход у МЛС заплаціў 150 млн долараў.

«Шарлот», які дэбютаваў у МЛС у 2022-м, дык увогуле заплаціў за права ўдзелу 325 млн.

«Інтэр» ужо меў нядрэнную фінансавую ацэнку – з прыходам Месі яна можа дасягнуць мільярда даляраў (але ёсць нюанс)

Яшчэ ў лютым 2023-га Forbes ацаніў клубы МЛС. «Інтэр» Маямі Хорхе Маса (асноўны акцыянер клуба) і Бэкхэма выданне ацаніла ў 600 млн долараў. Гэта 11-е месца ў рэйтынгу – толькі крыху саступілі «Шарлот».

Цяпер жа, з прыходам Месі, ацэнка клуба можа вырасці да мільярда. Але пакуль гэта толькі тэорыя – кіраўнікі спартыўнага дэпартамента брытанскай юрыдычнай кампаніі JMW Solicitors Бэна Пэпі кажа:

«Пераход Ліянэля Месі ў «Інтэр» Маямі змяніў правілы гульні ў МЛС і параўноўвае яго з прыходам Дэвіда Бэкхэма ў «ЛА Гэлэксі» і Пеле ў «Нью-Ёрк Космас», хоць прыход аргенцінца з’яўляецца больш значным, улічваючы тое, як футбол і спорт у цэлым змяніліся і сёння ўжываюцца.

Маладзейшая дэмаграфічная група заўзятараў цяпер сочыць за асобамі, а не за камандамі – пераход Месі ў МЛС зрушыць увагу яго фанатаў з Парыжа на Маямі.

Гэта спрыяе таму, што «Інтэр» Маямі імгненна становіцца сапраўды глабальным брэндам з прысутнасцю Бэкхэма і Месі, дзвюх зорак, якія выходзяць за рамкі самога спорту і з’яўляюцца вядомымі імёнамі для тых, хто хаця б крыху цікавіцца футболам.

У выніку прыходу Месі ацэнка клуба, хутчэй за ўсё, хутка перавысіць планку 1 мільярд долараў – квіткі на матч, які можа стаць дэбютам форварда, ужо прадаюцца за больш як 500 долараў».

Калі верыць гэтай ацэнцы, «Інтэр» Маямі можа хутка дагнаць клубы ў топ-20 рэйтынгу Forbes у свеце.

Аднак варта памятаць, што гэта пакуль толькі ацэнка аднаго эксперта – рэальны эканамічны ўплыў Месі на клуб, за які ён яшчэ нават не зарэгістраваны (летняе акно рэгістрацыі яшчэ банальна не адкрылася), ацаніць можна будзе толькі з часам.

Фота: Jia Haocheng/Global Look Press, ESPN