«Флуміненсе» упершыню выйграў Кубак Лібертадорэс – з Марселу і Мэла ў складзе
Неверагодныя эмоцыі
4 лістапада на «Маракане» ў Рыа адбыўся фінал Кубка Лібертадорэс. «Флуміненсе» ў экстратайме адолеў «Бока Хуніярс» 2:1.
Пераможны мяч бразільскага клуба забіў на 99-й хвіліне Джон Кэнэдзі Батыста.
Для «Флуміненсе» гэта першы Кубак Лібертадорэс у гісторыі – да таго бразільскі клуб толькі раз даходзіў да фіналу ў 2008-м, дзе прайграў калумбійскаму ЛДУ Кіта.
Да перамогі клуб прывёў Фернанда Дыніз – той самы, што сумяшчае клубную працу з выкананнем абавязкаў галоўнага трэнера зборнай Бразіліі. Гэта ягоны першы міжнародны трафей у кар’еры.
Першым у кар’еры Кубак Лібертадорэс стаў і для галоўнай зоркі клуба – Марселу. Выхаванец «Флуміненсе» яшчэ ў 2007-м перабраўся ў «Рэал», і толькі цяпер змог заваяваць з родным клубам галоўны кантынентальны трафей. Дарэчы, менавіта такую задачу па вяртанні ў клуб ён публічна сабе і паставіў.
«Рэал» зразумее мяне. Гэта мой найважнейшы трафей на клубным узроўні. «Флуміненсе» – гэта каманда, у якой я вырас. «Рэал» у маім сэрцы, але гэта цяжка параўнаць з «Флуміненсе», – сказаў пасля перамогі ў інтэрв’ю бразілец, не стрымліваючы слёз.
Яшчэ адным вядомым нам выхаванцам клуба, які ўпершыню выйграў Кубак Лібертадорэс, стаў Марлон. Ён у «Флуміненсе» не паўнавартасна – кантракт да гэтага часу належыць данецкаму«Шахцёру».
Таксама з «Флуміненсе» ўзяў кубак Фэліпэ Мэла, які паспеў заявіць пра сябе ў Італіі. Для яго гэта не першы такі трафей – двойчы выйграваў з «Палмейрасам», аднак пасля матчу таксама не змог стрымаць слёз:
Эмоцыі там зашкальвалі ва ўсіх.