Дзе ў Еўропе трэнуюць беларусы і колькі каштуюць іх заняткі (да 50 еўра за 45 хвілін)
Працягваюць паляпшаць спорт.
Беларускія спартсмены па розных прычынах жывуць па-за межамі Радзімы, але займаюцца тым, чаму прысвяцілі сябе з дзяцінства. Праўда, калі раней выступалі самі, то сёння перадаюць досвед іншым. Патрапіць на заняткі да беларускіх чэмпіёнаў і спецыялістаў можна ў Польшчы, Нямеччыне і нават Казахстане. Расказваем, дзе нашы трэнуюць і колькі гэта каштуе.
Аляксандра Герасіменя (плаванне)
Хто: срэбная (двойчы) і бронзавая прызёрка Алімпійскіх гульняў Горад: Варшава
Дзе трэнуе. Індывідуальныя заняткі ў дзвюх залах гораду. Навучанне плаванню, удасканаленне тэхнікі, збавенне ад страху вады.
Адрас у інтэрнэце: Herasimenia.com
Кошт. Для дарослых (45-хвіліннае трэнаванне): індывідуальны занятак – 230 злотых (50 еўра) з чалавека, парны занятак – 390 злотых (84 еўра) за дваіх, абанемент на 10 трэнаванняў – дзве тысячы злотых (430 еўра) за індывідуальныя заняткі, парны абанемент на 10 трэнаванняў – 3,5 тысячы злотых (753 еўра).
Для дзяцей (30-хвіліннае трэнаванне): індывідуальны занятак – 180 злотых з чалавека (39 еўра), парны занятак – 300 злотых за дваіх (65 еўра), абанемент на 10 трэнаванняў на індывідуальныя заняткі – 1600 злотых (348 еўра), парны абанемент на 10 трэнаванняў – 2,5 тысячы злотых (544 еўра).
Кошт не ўключае ўваход у басейн. На першы занятак скідка 50 працэнтаў.
Хто займаецца: дзеці ад шасці гадоў, дарослыя любога ўзросту.
Сцяпан Папоў (дзюдо, самба, грэплінг, MMA)
Хто: чэмпіён свету па самба
Горад: Уроцлаў
Дзе трэнуе. Індывідуальныя і групавыя заняткі ў клубе «Легіён»
Адрас у інтэрнэце: smoothcomp.com/pl/club/46415, facebook.com/LegionFightWro/, instagram.com/legion_fight_wro
Кошт. Індывідуальны занятак (адна гадзіна) – 150-200 злотых (32-43 еўра), групавыя заняткі (паўтары гадзіны) – 250 злотых (54 еўра) за тры трэнаванні ў тыдзень. Хапае да 10 персанальных трэнаванняў, каб набраць базавыя навыкі і далучыцца да групы.
Хто займаецца: дзеці і дарослыя любога ўзросту.
Наталля Лешчык (мастацкая гімнастыка)
Хто: сярэбраны прызёр Алімпійскіх гульняў
Горад: Беласток
Дзе трэнуе. Клуб Brawo Białystok
Адрас у інтэрнэце: brawobialystok.pl/index.php/pl/, facebook.com/brawobialystok/
Кошт. Уступны ўнёсак – 100 злотых (21,5 еўра), абанемент на месяц – 100 злотых. Час і колькасць заняткаў у месяц залежыць ад узроўню падрыхтоўкі і ўзросту. Самыя малодшыя – па адным разе на тыдзень, старэйшыя – два разы на тыдзень.
Хто займаецца. Дзеці ад 4 да 18 гадоў.
Яўген Цуркін (плаванне)
Хто: чэмпіён Еўропы і бронзавы прызёр чэмпіянату Еўропы
Горад: Варшава
Дзе трэнуе. Індывідуальныя заняткі ў двух басейнах гораду
Адрас у інтэрнэце: instagram.com/tsurkintsurkin
Кошт. 170 злотых (37 еўра) за 45-хвілінны занятак плюс білет у басейн.
Хто займаецца. Дзеці ад пяці гадоў і дарослыя любога ўзросту.
Васіль Савіч (футбол)
Хто: былы кіраўнік аддзелу дзіцяча-юнацкага футбола ў ФК «Нёман» Гродна
Горад: Беласток
Дзе трэніруе. Клуб MOSP Białystok
Адрас у інтэрнэце: facebook.com/Footballcoach123/, mosp.sportbm.com/
Кошт. 140 злотых (30 еўра) у месяц. У тыдзень – два заняткі па гадзіне.
Хто займаецца. Дзеці 4-5 гадоў, група фармуецца.
Віталь Рак (каратэ, MMA, BJJ, муай-тай, кікбоксінг, фізпадрыхтоўка дашкольнікаў, ЛФК, функцыянальны трэнінг)
Хто: стваральнік мінскага клуба па каратэ «Волат», дзе займаліся многія пераможцы і прызёры нацыянальных і міжнародных спаборніцтваў
Горад: Варшава
Дзе трэнуе. Клуб «Волат» сёння знаходзіцца ў Польшчы, там праходзяць індывідуальныя і групавыя заняткі. Таксама ў клубе працуюць яшчэ чатыры трэнеры-беларусы. Працягласць заняткаў – 45-150 хвілін
Адрас у інтэрнэце: instagram.com/volat_2.0, facebook.com/KlubVolat
Кошт. Адно трэнаванне – 50 злотых (11 еўра), чатыры трэнаванні – 180 злотых (38 еўра), 8 трэнаванняў – 320 злотых (69 еўра), 12 трэнаванняў – 480 злотых (103 еўра). Абанементы (3-6 заняткаў у тыдзень): на месяц – 260 злотых (56 еўра) дарослыя, 200 злотых (43 еўра) дзеці; тры месяцы – 700 злотых (150 еўра) дарослыя, 560 злотых (120 еўра) дзеці; паўгода – 1300 злотых (280 еўра) дарослыя, 1000 злотых (215 еўра) дзеці.
Хто займаецца. Дзеці ад 4 гадоў, дарослыя любога ўзросту.
Юрый Булат (кікбоксінг, муай-тай)
Хто: неаднаразовы чэмпіён свету і Еўропы па тайскім боксе
Горад: Варшава
Дзе трэнуе. Індывідуальныя і групавыя заняткі на базе клуба SFC24. Маладыя спартсмены, аматары і прафесіяналы
Адрас у інтэрнэце: sfc24.com.pl, facebook.com/silowniafightclub24/, instagram.com/explore/locations/421552654/x-gym-fitness-wola/, instagram.com/bulat_gym/
Кошт. Індывідуальны гадзінны занятак – 200 злотых (43 еўра), абанемент на 10 трэнаванняў – 1800 злотых (387 еўра). Групавыя заняткі: 150 злотых (32 еўра) у месяц плюс 130 злотых (28 еўра) месячны абанемент у залу.
Хто займаецца. Дзеці і дарослыя любога ўзросту.
Васіль Вайцяховіч (самба, дзюдо)
Хто: срэбны прызёр чэмпіянату Еўропы па самба
Горад: Варшава
Дзе трэнуе. Індывідуальныя і групавыя заняткі на базе клуба «Каўказ»
Адрас у інтэрнэце: kavkaz.pl, facebook.com/TechnikaZapasnicza/, instagram.com/kavkaz_zapasy/
Кошт. 200 злотых (43 еўра) ў месяц за тры трэнаванні на тыдзень. Працягласць – паўтары гадзіны (дзеці), дзве гадзіны (дарослыя).
Хто займаецца. Дзеці 4-7 і 7-13 гадоў, дарослыя – ад 14 гадоў і старэй.
Мікалай Ганчароў (каратэ)
Хто: былы трэнер аднаго з мінскіх клубаў па каратэ
Горад: Торунь
Дзе трэнуе. Індывідуальныя і групавыя заняткі на базе клуба «Dojo Unmei»
Адрас у інтэрнэце: dojotorun.pl, facebook.com/DOJOTORUN, instagram.com/dojounmei
Кошт. 180 злотых (38 еўра) у месяц (заняткі 2-3 разы на тыдзень). Для пачаткоўцаў заняткі па адной гадзіне.
Хто займаецца. Дзеці ад 4 гадоў, а таксама дарослыя любога ўзросту. Ёсць асобная група для жанчын.
Аляксандр Вахавяк (дзюдо)
Хто: срэбны прызёр чэмпіянату свету і трохразовы прызёр чэмпіянату Еўропы па самба
Горад: Дуйсбург
Дзе трэнуе. Групавыя заняткі на базе клуба PSV Duisburg
Адрас у інтэрнэце: psv-duisburg.de, facebook.com/psvduisburgjudo
Кошт. Гадавы абанемент з трыма заняткамі ў тыдзень – 250 еўра. Працягласць трэнавання – паўтары гадзіны.
Хто займаецца. Дзеці 6-12 год.
Дзмітрый Шэршань (дзюдо)
Хто: двухразовы бронзавы прызёр чэмпіянату Еўропы
Горад: Дзюсэльдорф
Дзе трэнуе. Індывідуальныя і групавыя заняткі на базе Judo-Club 71 Düsseldorf e.V
Адрас у інтэрнэце: jc71.de, facebook.com/Judoclub71/
Кошт. 20 еўра ў месяц за тры паўтарагадзінныя трэнаванні ў тыдзень.
Хто займаецца. Падлеткі і дарослыя з Украіны.
Ігар Жаваранак (бег на доўгія дыстанцыі)
Хто: трэнер рэкардсменкі Беларусі ў бегу на 3000 м і срэбнай прызёркі чэмпіянату Еўропы на гэтай жа дыстанцыі Святланы Кудзеліч
Горад: Алматы
Дзе трэнуе. Індывідуальныя, групавыя і анлайн-трэнаванні, заняткі на базе клуба Perfect Pro.Perfect
Адрас у інтэрнэце: instagram.com/igrbirdcoach
Кошт. Групавыя заняткі – 50 тысяч тэнге (100 еўра) з чалавека ў месяц, індывідуальныя заняткі – 15 тысяч тэнге (30 еўра) за занятак. Час трэнавання – да дзвюх гадзін
Хто займаецца. Падлеткі 17-18 гадоў, дарослыя аматары бегу
Фота: сацыяльныя сеткі трэнераў і клубаў
